تاياۋدا جامبىل وبلىسىنىڭ پروكۋرورى نۇرعالىم ءابدىروۆ قورداي اۋدانى ۇلكەن ءسۇلۋتور اۋىلىندا بوي كوتەرگەن جاڭا دارىگەرلىك امبۋلاتوريانىڭ اشىلۋ سالتاناتىنا قاتىسىپ, اكتيۆتەردى قايتارۋ باعىتىندا اتقارىلىپ جاتقان جۇمىس ناتيجەسى تۋرالى حابارلادى.
«پروكۋراتۋرا ورگاندارى تاراپىنان زاڭسىز شىعارىلعان اكتيۆتەردى قايتارۋ باعىتىندا جۇرگىزىلىپ جاتقان اۋقىمدى جۇمىستار اياسىندا ءبىزدىڭ وڭىردە الەۋمەتتىك ماڭىزدى ينفراقۇرىلىمدى دامىتۋ بويىنشا شارالار قابىلداندى. ونىڭ جارقىن مىسالى – مەديتسينالىق كومەكپەن شالعاي اۋىلداردى قامتاماسىز ەتۋ», - دەدى ول ءوز سوزىندە.
بۇل امبۋلاتوريا ەل بويىنشا باعدارلاما اياسىندا پايدالانۋعا بەرىلگەن العاشقى نىسانداردىڭ ءبىرى. بۇعان دەيىن اۋىل تۇرعىندارىنا 1959 جىلى سالىنعان ەسكى عيماراتتا قىزمەت كورسەتىلگەن.
اۋدان ورتالىعى مەن ۇلكەن-ءسۇلۋتور اۋىلى اراسىنداعى قاشىقتىقتى ەسكەرە وتىرىپ, جاڭا امبۋلاتوريا 1500-دەن استام تۇرعىنعا قاجەتتى مەديتسينالىق قىزمەتتەردى اۋىلدان شىقپاي-اق الۋعا مۇمكىندىك بەرەدى.
مەديتسينالىق مەكەمە العاشقى دارىگەرلىك جانە دارىگەرگە دەيىنگى كومەك كورسەتۋ ءۇشىن قاجەتتى زاماناۋي مەديتسينالىق قۇرال-جابدىقتارمەن, فيزيوتەراپيا, وڭالتۋ جانە ەكگ كابينەتتەرىمەن جابدىقتالعان.
جامبىل وبلىسى
